Spaghetti ng Mommy ko :)

            Isa ‘to sa mga hinahanda tuwing may okasyon. Mapunta ka man sa States, Japan, Saudi o libutin mo man ang buong mundo kung san man may Pilipino, hinding hindi mawawala ang Spaghetti sa mga handaan ng mga ito.

                Ang spaghetti ng mommy ko ang isa sa mga madalas ipahanda sa mga okasyon samin at kahit sa mga kaibigan ng mga kaibigan namin. Madalas din itong i-request na ipadala sa ibang bansa ng mga kamag-anak na talagang nakakamiss sa lasa nito. Hindi rin naman kasi maipagkakaila na talagang masarap ito, sapagkat punong puno ito ng mga laman at di lang puro sauce. Di rin ito matamis na lagi mong aasahan pag pinoy ang gumawa, dahil marami itong spices na nakahalo tulad ng basil at oregano na ganun pa man, ay nagkakaugma o masarap ang blending ng mga ito. Isa pa, dahil di katulad ng mga spaghetting matamis at hotdog lang ang laman, maraming sangkap ang spaghetti na ito, na malalasahan mo sa bawat subo. Marami na rin ang nag lakas loob na gayahin ang recipe ng mommy ko, pero, di parin talaga nila magawang magaya ang lasa nito. May iba pa ngang nabigyan na ng recipe, pero di parin magawang gayahin ito. Marahil ay sa pagkakagawa lang talaga. Iba talaga magluto ang mommy ko, matagal ngunit sa lasa nito ay bawing bawi na sa oras na tinagal nito sa kusina.

                Maraming uri ng spaghetti sa mundo, ngunit nangingibabaw parin para sakin ang sa nanay ko. Masarap ito at makakalimutan mo ang pangalan mo sa oras na malasahan mo ito. Sa spaghetting ito, mapapatunayan na talagang may halong pagmamahal ang bawat pagluluto ng isang ina.
-Fru Malijan :)