DARK CHOCOLATE NG BUHAY KO :">

Nang sabihin sa amin ng aming propesor na gumawa ng blog tungkol sa aming paboritong pagkain ay hindi na ako nahirapan magisip pa kung ano ang isasagot ko rito; dark chocolate ang aking paborito. Nagtatalong matamis at mapait ang lasa ng dark chocolate, hindi gaanong matamis, hindi rin naman gaanong mapait. Kaunti lang ang alam kong may gusto nito dahil sabi nga nila ay hindi ito kaaya aya sa kanilang panlasa. Totoo nga naman na hindi parepareho ang mga tao. Hindi ko rin naman kasi gusto ang masyadong matamis kaya ko nagustuhan ang dark chocolate. Halina't basahin ang aking blog at ipapakilala ko sa inyo ang  dark chocolate.

Hindi ko gaanong gusto dati ang dark chocolate. Ngunit, may nakilala akong may  paborito rito, isang matalik na kaibigan nagngangalang, Gindria. Simula noon ay nahawa na ako sa kanya, at naging paborito ko narin ito. Lahat ng klaseng dark chocolate ay gusto ko. Makakain lang ako ng dark chocolate, ay makukumpleto na ang araw ko. Para bang nasa langit na ako pag nakakatikim ako nito. Bigyan mo lang ako ng dark chocolate ay masaya na ako. Ganoon kasi ako kababaw. Minsan naman, pag nagaaral ako at bigla akong aantukin ay kakain ako ng dark chocolate at magigising na ako. Ang tsokolate raw kasi ay mabisang pampagising. Ito rin kasi ay madaling nabibili dahil kahit sa convenience store ay meron nito. Ngunit, isa aking mga pangarap ay matikman ang pinakamasarap na dark chocolate sa buong mundo.

Sa lahat ng tsokolate ay ang dark chocolate ang pinakamaganda para sa ating katawan. Sunod na rito ang milk chocolate at panghuli ay ang white chocolate. Maraming magandang naidudulot ang dark chocolate sa isang indibidwal. Ang dark chocolate ay maganda para sa ating mga puso. Isa rin ay, ito'y  nakakapagpababa ng presyon ng dugo at isa rin itong antioxidant. Ang dark chocolate rin ay nagpapababa ng masamang cholesterol. Talaga nga namang maganda sa ating katawan. Pero lagi nating tatandaan na lahat ng sobra ay masama. :)

-Arielle Tapon

1H5