Saturday, November 27, 2010

Buffalo Chicken Strips..



Gusto niyo bang malimutan ang inyong mga problema? Makapiling ang mga mahal niyo sa buhay na nasa malayong lugar? Halina't subukan natin kumain ng "Buffalo Chicken Strips". Itoy matatagpuan sa kainang "Chiquito" sa kalye ng Asturias. Itoy masarap sa panlasa,masustansya at magaan sa bulsa. Ang mga pangunahing mga sangkap para dito ay ang mga sumusunod..
I
Mga Sangkap:

***Dipping Sauce***

1/4 cup crumbled blue cheese
2 tablespoons buttermilk
1/2 cup light sour cream
1/4 teaspoon freshly ground black pepper
 
***Chicken***
  
12 chicken tenders
1/2 cup
Louisiana hot sauce
1/2 cup all-purpose flour
1 teaspoon kosher salt
1 tablespoon Cajun seasoning
1 tablespoon butter
2 tablespoons vegetable oil
4 ribs celery, cut into 3-inch lengths


Ang Buffalo Chicken Strips ay hango sa orihinal na resipi ng "Buffalo Chicken" na sadyang maanghang sa panlasa ng taong kakain nito. Ang putaheng ito ay nagbibigay ng dadag na lakas at resistensya para sakin. Ito'y epektibo sa aking pang araw-araw na gawain sa loob ng Unibersidad. Ang mga sangkap nito ang nagbibigay sa akin ng kakaibang lakas ng isang "buffalo" upang sagupain ang mga pagsubok sa king buhay. Ang manok nito ang nagbibigay sa akin ng mataas na bilang ng protina at kalsium mula naman sa mga maliit na buto nito na nagbibigay ng liksi at lakas sa paggawa ng mga bagay-bagay. Ito rin ay upang matugunan ko ang aking tungkulin sa pagkuha ng susi at "remote control" ng "LCD projector" sa equipment room. Ang mga gulay at pampalasa ay nagbibigay naman ng talas ng isip,lakas ng pandinig at malilinaw na mga mata. Ito ay upang ako ay makaintindi sa mga leksyon ng aming mga propesor. Ang putaheng ito ay kakaiba sa mga pagkain na aking natikman sa aking tanang buhay na pamamalagi sa Unibersidad ng Santo Tomas. Ito ay dahil sa mga magagandang epekto sa aking katawan at kagalingan sa loob ng klase.



Napagtanto ko sa aking sarili na ang pagkain ng "Buffalo Chicken Strips" ay may malaking naiambag sa aking sarili bilang isang mag-aaral. Bagkus, itoy siyang aking sandata sa mga pagsubok na darating sa aking buhay bilang isang Tomasino. Ako'y nalulugod sapagkat hindi nasasayang ang aking pera sa pagkain aking binibili dahil ito'y nagbibigay ng lakas ng loob,tibay ng katawan at talas ng memorya. Nawa'y subukan ng aking mga minamahal ng mga kamag-aral at mga propesor upang masabi nila sa kanilang sarili na hindi nila pinagsisihan kumain ng "Buffalo Chicken Strips".

by: Jose Louis T. Antonio


11 comments: